फादर साब लिरिक्स ( खासा आला चाहा) हरयाणवी
कैहण की हिम्मत ना हुई बाबू कदे
अर इब टैम बदलांगे
तेरी ए माटी का मैं हूँ
देखदा रहिये मजा आवैगा
ओये… आ…
राख भरोसा बाबू रै
तेरी एंडी टोर बणा द्यूंगा
टैम आण दे यारा का
तन्नै जहाजा बीच घुमा द्यूंगा
पित्तल का तेरा होक्का ल्यादयु
भरैंगे पोते चिलम तेरी
माँ गैल्या गोल्डन जुबली पै
बनवाऊंगा फिल्म तेरी
2 बेटे तेरे नाम बाबू
काम बनेँगे ऑर्डर पै
एक करैगा सेवा तेरी
एक खड्या सै बॉर्डर पै
फॉर्चूनर की चेस्सी बाबू
बग्गी मै जुड़वा दूंगा
टोंट मारै थे तेरे पै
मैं सारे कूण मै ल्या दूंगा
हरयाणे तै उड़ै फ्लाइट
होवै लैंड अमेरिका रै
लांबी जीप मै लाइये गेड़ा
चालै तेरा सिक्का रै
कट्ठे होज्या यार तेरे तो
रम की ल्यादू बोतल रै
फेर पेग बणाइये ठाढे ज्यू
उस शाहपुर आले होटल पै
चोरी जारी करू ना बाबू
मूंछ पैला कै रहिये तू
यो जावै मेरा लाडला बेटा
छाती ताण कै कहिये तू
सरनेम तेरा मन्नै मिलर्या बाबू
और क्याहे की लोड नहीं
माँ मेरी देवी माँ बरगी
और तेरे तै बड़ा गोड़ नहीं
नशे पते कै हाथ ना लाऊँ
करूँगा रोशन नाम तेरा
ठेका ना मन्नै दुनिया का
बस करै प्राउड गाम तेरा
मेरी खातर तोड्या गात तन्नै
बेल्यां की ज्यू खेता मै
जेंटलमैन मैं बणा दिया तू
आप रुल्या था रेता मै
उसूल तेरे मेरे दिल मै बसरे
माडे दिन भी याद मन्नै
सारी कैहण पुघा दूं
बाबू जो कर राखी फ़रियाद तन्नै
3 मंजिला पावै कोठी
बैठे मोर मंडेरे पै
दादे की नाम की नाम प्लेट
ज्यू लागै लैट अँधेरे पै
6 फुट आले गॉर्ड चालै
तेरे लाल की चारु मेर
इंडस्ट्री मै आग्या रै इब
खासा आला खुल्ला शेर
स्वाद घणा था बाबू रै
तेरे काँधे आले झूला का
लाखा मै भी आवै ना जो
मज़ा था तेरे कुल्ला का
नीली छतरी आले राखिये
ख्याल मेरे माँ बाबू का
धन माया मन्नै ना चहिए
घर रैह्ज्या मान हाय साधू का
ओये… आ…
समाप्त
बोल : खासा आला चाहर
गायक : खासा आला चाहर