जय वीरू लिरिक्स ( खासा आला चाहर ) फ्रेंडशिप सांग : हरयाणवी
बेसक ना हम एक कोक के
फेर भी अपणे चर्चे स
रेस्पेक्टेड लाइफ जी रह स
ना थाना भीतर पर्चे स
हम जय और वीरू आली जोड़ी
ज़िन्दगी बणगी शोले रे
चाल पैरां रेबन आली
देखे खड़े पटोले रे
दो-चार कमी स तेरे में
तेरी खूबी गिनान का जी कर रहया
तेरी कमियां ने मैं सेह लूंगा
तू करले जो तेरा जी कर रहया
तू बदले ना वे यार रे प्यारे
टैम रे बदल्या यारा ने
स्प्लेंडर ते रोडवेज
और रोडवेज ते कारां में
तू रुस्से तो न्यू लागे
फांसी का फंदा घाल्या हो
अकबर के दरबार ते लागे
बीरबल उठ के चाल्या हो
बाकी रिश्ते ये दिए राम ने
एक तू मन्ने बनाया स
कोई पूछे जे इनकम मेरी
बस तू ऐ मन्ने कमाया स
गाणे बाजे गाड़ी में रे
धक-धक, धक-धक हाल बेस
टीवी आले सपनें थे
और आज कल दिखे अपने फेस
गामा की माटी ते उठे
राज करां स शहरां पे
ये डॉलर आले नाचे से रे
तेरे यार के लहरा पे
हम देखे अजूबे गलियां में
या दुनिया तो नीर चौकान की
तू ठंडा खा और ताता ना
या दुनिया तो स भौकन की
तू राजदार स मेरा ओये
मेरा राज तेरे में जीवै स
कोई और ना तेरे सिवा जाने
खासा आला भी पीवे स
हम देख के बैठ के यारां में
तन्ने फीलिंग न्यारी आवेगी
मोटे मोटे पेग चलेंगे
सुथरी रोटी भावेगी
धोखा ना मेरी गैल तू करिये
जा उठ भरोसा यारी ते
जो चाहिए स ओह मांग लिए
खाते में तेरी उधारी स
तेरे ते पहलां जाऊं
हो तेरे कांधे लाश मेरी
खासा की माटी में मिल ज्यूँ
याही आखरी आस मेरी
पेटी लेके आइये तू
यमराज गैल भी पीवांगे
एक बोत्तल की देके रिश्वत
ज़िन्दगी ऊपर जीवांगे
नीली छतरी आला भी
वो तरसे अपनी यारी ने
बैठ्या बैठ्या हासदा होणा
ज़िन्दगी अपनी प्यारी ने
ओये होये ओये होये
ओये होये ओये…
ओये होये ओये होये
ओये होये ओये… आ…
समाप्त
बोल : खासा आला चाहर
गायक : खासा आला चाहर